பொதுவாகவே மக்கள் அனைவரும் தங்களுடைய வீடுகளில் செல்லப்பிராணிகளாக நாய், பூனை, கிளி ஆகிவற்றை வளர்த்து வருகிறார்கள். தங்கள் வீட்டில் வசிக்கும் ஒருவரை போன்று இந்த செல்லப்பிராணிகளையும் வளர்த்து வருகின்றனர். அதுவும் பிரபலங்கள் மிகவும் காஸ்ட்லியான நாய் மற்றும் பூனைகளை வளர்த்து வருகிறார்கள். அப்படி அவர்கள் வளர்க்கும் நாய் காணாமல் போனால் அவை குறித்து விளம்பரங்களையும், போஸ்டர்களையும் வெளியிடுவது நாம் பார்க்கிறோம்.
அந்த வகையில் தற்போது பிரபல ஹாலிவுட் நடிகை பாரிஸ் ஹில்டன் தன்னுடைய டைமண்ட் என்னும் நாயை காணவில்லை என்று தெரிவித்திருக்கிறார். அதையும் தாண்டி நாயை கண்டுபிடிப்பவர்களுக்கு எந்தக் கேள்வியும் இல்லாமல் 8 லட்சம் பரிசளிக்கப்படும் என்றும் அறிவித்திருக்கிறார். அந்த நாயை கண்டுபிடிக்க டிடெக்டிவ் ஏஜென்சியை பாரிஸ் ஹில்டன் நியமித்துள்ளார். மேலும் ட்ரோன்கள் கொண்டு நாயை தேடும் பணிகள் நடைபெற்று வருகின்றன. அந்த நாய் எனது மகள் போல என்று பாரிஸ் தெரிவித்துள்ளார்.