குஜராத்தில் இந்த வருடம் இறுதியில் நடைபெற உள்ள சட்டமன்ற தேர்தலில் பாஜகவை வீழ்த்துவதற்காக டெல்லி முதல்வர் அரவிந்த் கெஜ்ரிவால் பிரசாரம் செய்து வருகிறார். அதன் ஒரு பகுதியாக அகமதாபாத்தில் நேற்று நடந்த நிகழ்ச்சியில் அவர் பேசினார். அப்போது, கல்வியால் மட்டுமே இந்தியாவை உலகில் சிறந்த நாடாக மாற்ற முடியும் என அரவிந்த் கெஜ்ரிவால் கூறியுள்ளார். நேற்று காலை அரசு பள்ளியில் காவலாளியின் மகனை சந்தித்தேன்.
அவன் தந்தைக்கு மாதம் 12 ஆயிரம் ரூபாய் சம்பளம். இந்த சிறுவன் ஐஐடியில் தேர்ச்சி பெற்றதால் மாதம் இரண்டு லட்சம் ஆரம்ப சம்பளத்தை பெறுவான். குடும்பத்தின் ஏழ்மை முடிவுக்கு வரும்.அனைத்து குழந்தைகளுக்கும் சிறப்பாக கல்வி கற்றால் ஒவ்வொரு குடும்பமும் ஒரு தலைமுறைக்குள் பணக்காரர்களாக மாறும் என அவர் தெரிவித்துள்ளார்.