பிரம்மாண்ட இயக்குனர் சங்கர் இயக்கத்தில், உலகநாயகன் கமல்ஹாசன் நடிப்பில் இந்தியன் 2 திரைப்படம் உருவானது. இந்த படத்தின் படப்பிடிப்பு விபத்து, கொரோனா மற்றும் சில பிரச்சனைகளின் காரணமாக பாதியிலேயே நிறுத்தப்பட்டது. இந்நிலையில் உலக நாயகன் கமல்ஹாசன் நடிப்பில் சமீபத்தில் வெளியான விக்ரம் திரைப்படம் சூப்பர் ஹிட் ஆன நிலையில், இந்தியன் 2 படத்தின் படப்பிடிப்பும் தொடங்க இருக்கிறது.
இந்த படத்தின் படப்பிடிப்பு நேற்று பூஜையுடன் சிறப்பாக தொடங்கியுள்ள நிலையில், விவேக் கதாபாத்திரத்தில் தற்போது யார் நடிப்பார் என்ற கேள்வி எழுந்தது. இந்நிலையில் நடிகர் விவேக்கிற்கு பதிலாக ஜோக்கர், பேட்ட, ஜிகர்தண்டா, ஆரண்ய காண்டம் போன்ற திரைப்படங்களில் நடித்த குரு சோமசுந்தரம் நடிக்க இருப்பதாக புதிய தகவல் வெளியாகியுள்ளது. மேலும் இதுகுறித்த அதிகாரப்பூர்வ அறிவிப்பு விரைவில் வெளியாகும் என்றும் எதிர்பார்க்கப்படுகிறது.
