இந்தியாவில் வாழ அச்சப்படுவோர் தாராளமாக ஆப்கானிஸ்தான் செல்லலாம் என்று பாஜக எம்எல்ஏ ஹரி பூஷன் தாக்கூர் கூறியிருப்பது பெரும் சர்ச்சையை ஏற்படுத்தி உள்ளது.
ஆப்கானிஸ்தானில் 20 ஆண்டுகளுக்குப் பிறகு மீண்டும் தலிபான் ஆட்சியை கைப்பற்றியுள்ளது, ஆட்சி அமைக்கும் பணியில் தலிபான் அமைப்பினர் தீவிரமாக ஈடுபட்டு வருகின்றனர். இது உலக அளவில் பெரும் பேசுபொருளாக மாறியுள்ளது. மேலும் அங்குள்ள மக்கள் ஆப்கானை விட்டு வெளியேற தொடர்ந்து முயற்சி செய்து வருகின்றனர். இதனால் அந்நாட்டில் தொடர்ந்து பதற்றம் நிலவி வருகிறது. இந்நிலையில் பீகார் மாநிலம் பிஸ்ஃபி சட்டப்பேரவைத் தொகுதி பா.ஜ.க., – எம்.எல்.ஏ., ஹரி பூஷன் தாக்கூர் பச்சால் செய்தியாளர்களிடம் பேசினார்.
இதில் அவர் தெரிவித்துள்ளதாவது: ஆப்கானிஸ்தான் போர் காரணமாக இந்தியாவிற்கு எந்த பாதிப்பும் கிடையாது. மேலும் ஆப்கானில் பெண்களுக்கு பாதுகாப்பு கிடையாது. ஆனால் இந்தியாவில் பெண்களுக்கு அதிக அளவு பாதுகாப்பு அளிக்கப்படுகின்றது. இந்தியாவில் வாழ விரும்பாதவர்கள் தாராளமாக ஆப்கானிஸ்தானுக்கு செல்லலாம். அங்கு பெட்ரோல், டீசல் விலை மிக குறைவு. அங்கு சென்றால் தான் இந்தியாவின் அருமை தெரியவரும் என்று தெரிவித்துள்ளார். அமைச்சர் இப்படி பேசியிருப்பது சர்ச்சையை ஏற்படுத்தியுள்ளது.