1983ஆம் ஆண்டில் கபில் தேவ் ஜிம்பாப்வே அணிக்கு எதிராக அடித்த 175 நாட் அவுட் இன்னிங்ஸ் மீண்டும் உருவாக்க்கியதன் மூலம் தகவல் தொழில்நுட்ப நிறுவனமான பார்தி ஏர்டெல் தனது 5ஜி நெட்வோர்க் சேவையின் முன்னோட்டத்தை வெளியிட்டுள்ளது. நேரலை செய்திகள், இணைய நிகழ்ச்சி, இணைய சந்திப்பு ஆகியவற்றில் 5ஜி சேவை மூலம் உருவாக்கப்படும் துல்லியமான ஹோலோகிராம்கள் பெரும் மாற்றத்தை ஏற்படுத்தும் அதோடு மட்டுமில்லாமல் இந்த ஹோலோகிராம்கள் எந்த இடத்திற்கு வேண்டுமானாலும் அனுப்ப முடியும். ஏர்டெல் வளர்ந்து வரும் 5ஜி உலகிற்கு தயாராக இருக்கிறது.
ஏர்டெல் 5ஜி சேவையின் மூலம் 20 எம்எஸ் லேட்டன்ஸிக்கும் குறைவாக, 1 ஜிபிபிஎஸ் வேகத்திற்கு மேல் கிடைக்கும் 4கே வீடியோக்களை ஸ்மார்ட்போனில் 50 பயனர்கள் தடை இல்லாமல் கண்டுகளித்துள்ளனர். ஷாட் அனாலிசிஸ், 360 டிகிரி இன் ஸ்டேடியம் காட்சி, மல்டிபிள் கேமரா ஆங்கிள் ஆகியவையும் 5ஜி மூலம் காட்டப்பட்டது. 5ஜி ஸ்பெக்ட்ரம் ஏலம் இன்னும் 2 மாதத்தில் நடைபெற உள்ளதாக எதிர்பார்க்கப்படுகிறது. அதன் பிறகு 5ஜி சேவை இந்த வருட சுதந்திர தினத்தின் போது அறிமுகப்படுத்தப்படும் என்று ஏர்டெல் தெரிவித்துள்ளது. மேலும் படிபடியாக இந்தியா முழுவதும் 2024ஆம் ஆண்டுக்குள் 5ஜி சேவை வழங்கப்பட உள்ளதாக ஏர்டெல் நிறுவனம் அறிவித்துள்ளது.