இந்திய ராணுவம் என்சிசி சிறப்பு நுழைவுத் திட்டத்திற்கு விண்ணப்பிக்க விண்ணப்பதாரர்களிடமிருந்து விண்ணப்பங்களை அழைத்துள்ளது. இத்திட்டத்திற்கு விண்ணப்பிக்க விரும்பும் விண்ணப்பதாரர்கள், joinindianarmy.nic.in என்ற இந்திய ராணுவத்தின் அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்கலாம்.
பதிவு செயல்முறை ஆகஸ்ட் 17 அன்று தொடங்கப்பட்டு செப்டம்பர் 15, 2022 அன்று நிறைவடையும். இந்த ஆட்சேர்ப்பு மூலம் NCC சிறப்பு நுழைவுத் திட்டத்தில் 55 ஆண்கள் மற்றும் பெண்களை நிரப்படவுள்ளனர்.
காலியிட விவரங்கள்
ஆண்கள்: 50
பெண்கள்: 5
இத்திட்டத்திற்கு விண்ணப்பிக்க விரும்பும் விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் பட்டம் பெற்றிருக்க வேண்டும்.
இறுதியாண்டு படிப்பவர்களும் முறையே மூன்று/நான்கு ஆண்டுகள் பட்டப் படிப்பின் முதல் இரண்டு/மூன்று ஆண்டுகளில் குறைந்தபட்சம் 50% மொத்த மதிப்பெண்களைப் பெற்றிருந்தால் விண்ணப்பிக்க அனுமதிக்கப்படுவார்கள். விண்ணப்பதாரரின் வயது வரம்பு 19 முதல் 25 வயதுக்குள் இருக்க வேண்டும்.