இந்திய விமானப்படை தேர்விற்கு தகுதியானவர்கள் விண்ணப்பிக்கலாம் என்று கலெக்டர் அறிவித்துள்ளார்.
அரியலூர் மாவட்ட கலெக்டர் வெளியிட்ட செய்திக்குறிப்பில் கூறியதாவது, சென்னையை அடுத்துள்ள தாம்பரத்தில் இருக்கின்ற இந்திய விமானப்படை தேர்வு மையம் சார்பாக இந்திய ஏர்மேன் பணிக்கு விரைவில் தகுதி வாய்ந்த நபர்களை தேர்வு செய்யப்பட உள்ளது. மேற்கண்ட பணிக்கு சேர விருப்பம் உள்ள நபர்கள் தங்களது விவரங்களை https://docs.google.com/forms/d/e/1FAIpQLSfKvsNW8mW Flk0jcOIVm என்ற Google Form-ல் பூர்த்தி செய்து சமர்ப்பிக்க வேண்டும். இந்த பணிக்கு ஆண்கள் மட்டும் விண்ணப்பிக்கலாம்.
மேலும் வயது வரம்பு 17 முதல் 21 வயதிற்குள் இருக்க வேண்டும். பன்னிரண்டாம் வகுப்பு தேர்ச்சி பெற்றிருக்க வேண்டும் அல்லது அதற்கு இணையான கல்வித்தகுதி தேர்ச்சி பெற்றிருக்க வேண்டும். அரியலூர் மாவட்டத்தை சேர்ந்த படித்த வேலை இல்லாத இளைஞர்கள் இந்த வாய்ப்பினை பயன்படுத்தி சேர்ந்து கொள்ளலாம் என்று தெரிவிக்கப்பட்டுள்ளது.