இந்தியாவில் குருணை அரிசி ஏற்றுமதிக்கு மத்திய அரசு தடை விதித்துள்ளது. இதுகுறித்து உணவு மற்றும் பொது விநியோகத் துறையின் பொதுச் செயலாளர் சுதன்ஷீ பாண்டே செய்தியாளர்களை சந்தித்து பேசினார். அப்போது, நாட்டில் சில பகுதிகளில் பெய்த கனமழையும் மற்றும் குற சில பகுதிகளில் நிலவிய வறட்சி ஆகியவை காரணமாக, கடந்த ஆண்டை விட இந்தாண்டு நெல் பயிரிடும் பரப்பளவு கணிசமாக குறைந்து உள்ளது. இதனால் உடைத்த அரிசி ஏற்றுமதிக்கு தடை விதிக்கப்பட்டுள்ளது. கோழி வளர்ப்புத் துறையில் குருணை அரிசி தீவனமாகப் பயன்படுத்தப்படுகிறது. கோழி வளர்ப்புத் துறைக்கான உள்ளீடு செலவில் குருணை அரிசி தீவனத்தின் பங்களிப்பு 60% ஆகும். எனவே விலை உயர்வால் பாதிப்புக்கு தள்ளப்படும் நிலை எற்பட்டுள்ளது. காரிப் பருவத்தில் நெல் சாகுபடி பரப்பளவு முந்தைய பருவத்தை விட 5-6% குறைவாக உள்ளது.
அதாவது,காரிப் பயிர்கள் பெரும்பாலும் பருவமழை காலமான ஜூன் மற்றும் ஜூலை மாதங்களில் விதைக்கப்படுகின்றன. அதன்பிறகு அக்டோம்பர் மற்றும் நவம்பர் மாதங்களில் விளைச்சல் அறுவடை செய்யப்படுகிறது. ஜூன் மாதத்தில் பருவமழை முன்னேற்றம் மற்றும் நாட்டில் வளர்ந்து வரும் சில முக்கிய பகுதிகளில் ஜூலை மாதத்தில் அதன் சீர்ற்ற பவல் ஆகியவை விதைக்கப்பட்ட பகுதியின் வீழ்ச்சிக்கு முதன்மையான காரணமாக இருக்கலாம். இதனால் காரிப் பருவத்தில் அரிசி உற்பத்தி மோசமான சூழ்நிலையில் 10-12 மில்லியன் டன்கள் குறையும் வாய்ப்புள்ளது. இதனால் குருணை அரிசி ஏற்றுமதி மீதான தடை முக்கியத்துவம் பெறுகிறது. இது பயிர் வாய்ப்புகள் மற்றும் முன்னோக்கி செல்லும் விலைகள் இரண்டிலும் தாக்கத்தை எற்படுத்தும். சில நிபந்தனைகளுடன் குருணை அரிசி ஏற்றுமதிக்கு செப்.,30ம் தேதி வரை அனுமதி அளிக்கப்பட்டுள்ளது என்று அவர் கூறினார்.