எஸ்பிஐ வங்கி தன்னுடைய வாடிக்கையாளர்களுக்கு இன்ஸ்டன்ட் லோன் ஆப் குறித்து எச்சரிக்கை விடுத்துள்ளது. இப்போதெல்லாம் இந்த வகை மொபைல் ஆப்கள் 52 நிமிடங்களில் கடன் கொடுப்பதாக கூறிய விவரங்களை கேட்டு மோசடி செய்து வருகின்றனர். இதில் அதிகமாகவும் வட்டி வசூலிக்க படுவதாக புகார் எழுந்துள்ளது. இந்த லோன் ஆப்கள் வங்கிக்கு போட்டியாக இருந்தாலும் வங்கிகளை விட அதிகமாக வசூலிப்பதாக வாடிக்கையாளர்களால் கூறப்படுகின்றது. இது குறித்து எஸ்பிஐ வெளியிட்டுள்ள செய்தி குறிப்பில், வாடிக்கையாளர்களின் செல்போன் நம்பருக்கு ஒரு லிங்க் அனுப்பப்படுகின்றது.
இதை கிளிக் செய்தால் சில நிமிடங்களில் மூலம் கடன் கிடைக்கும் என்று வாடிக்கையாளர்களை ஏமாற்றி வருகின்றது. எனவே மக்கள் விழிப்புடன் இருக்க வேண்டும் என்று எஸ்பிஐ வங்கி தொடர்ந்து எச்சரித்து வருகின்றது. இதுகுறித்த விழிப்புணர்வு இல்லாமல் நிதி நெருக்கடியில் இருக்கும் பலரும் கடனாக பணம் வாங்கிக்கொண்டு சிக்கலில் மாட்டி கொண்டிருக்கின்றனர். கடன் வாங்கிய பின்னர்தான் அதனுடைய வட்டி அதிகமாக செலுத்த வேண்டுமென்பது தெரிகிறது. வட்டிக்கு வட்டி கூடி கட்ட முடியாமல் போகும்போது உயிரை கூட விடும் அளவிற்கு செல்கின்றனர். எனவே வாடிக்கையாளர்கள் கவனமாக இருக்குமாறு எஸ்பிஐ வங்கி எச்சரித்துள்ளது.