திண்டுக்கல் மாவட்டம் நத்தம் தொகுதியில் மொத்தம் 78.95 சதவீதமும், நிலக்கோட்டை தொகுதியில் 75.07 சதவீதமும் வாக்குகள் பதிவாகியுள்ளது.
திண்டுக்கல் மாவட்டத்தில் மொத்தம் 7 சட்டமன்ற தொகுதிகள் உள்ளது. இந்த 7 சட்டமன்ற தொகுதிகளிலும் 9 லட்சத்து 62 ஆயிரத்து 488 பெண்கள், 9 லட்சத்து 14 ஆயிரத்து 386 ஆண்கள், 203 பேர் மூன்றாம் பாலினத்தவர் என மொத்தம் 18 லட்சத்து 77 ஆயிரத்து 77 வாக்காளர்கள் இருக்கின்றனர். இந்நிலையில் சட்டமன்ற தேர்தலில் 7 லட்சத்து 30 ஆயிரத்து 379 பெண்கள், 7 லட்சத்து 10 ஆயிரத்து 13 ஆண்கள், 14 பேர் மூன்றாம் பாலினத்தவர் என மொத்தம் 14 லட்சத்து 40 ஆயிரத்து 406 பேர் வாக்களித்துள்ளனர். இதில் ஆண்களை விட பெண்களே அதிக வாக்குகள் பதிவு செய்துள்ளனர். மேலும் 4 லட்சத்து 33 ஆயிரத்து 671 பேர் இந்த தேர்தலில் வாக்களிக்க வில்லை. மொத்த வாக்குப்பதிவில் 76.83 சதவீதம் ஆகும்.
அதில் நத்தம் தொகுதியில் 1 லட்சத்து 44 ஆயிரத்து 969 பெண்கள், 1 லட்சத்து 38 ஆயிரத்து 251 ஆண்கள், 47 பேர் மூன்றாம் பாலினத்தவர் என மொத்தம் 2 லட்சத்து 83 ஆயிரத்து 267 பேர் உள்ளனர். அதில் 1 லட்சத்து 13 ஆயிரத்து 800 பெண்கள், 1 லட்சத்து 9 ஆயிரத்து 845 ஆண்கள், 3 பேரும் மூன்றாம் பாலினத்தவர் என மொத்தம் 2 லட்சத்து 23 ஆயிரத்து 648 பேர் வாக்களித்துள்ளனர். நத்தம் தொகுதியில் மொத்த வாக்குப்பதிவு சதவீதம் 78.95 ஆகும். அதேபோல் நிலக்கோட்டை தொகுதியில் 1 லட்சத்து 24 ஆயிரத்து 312 பெண்கள், 1 லட்சத்து 19 ஆயிரத்து 723 ஆண்கள், மூன்றாம் பாலினத்தவர் 9 பேர் என மொத்தம் 2 லட்சத்து 44 ஆயிரத்து 44 பேர் உள்ளனர். அதில் 92 ஆயிரத்து 338 பெண்கள், 90 ஆயிரத்து 865 ஆண்கள் என மொத்தம் 1 லட்சத்து 83 ஆயிரத்து 203 பேர் வாக்களித்துள்ளனர். நிலக்கோட்டை தொகுதியில் மொத்த வாக்குப்பதிவு சதவீதம் 75.07 ஆகும்.