தமிழ் மற்றும் தெலுங்கு சினிமாவில் பிரபலமான நடிகையாக இருப்பவர் ஐஸ்வர்யா ராஜேஷ். இவர் நடித்துள்ள டிரைவர் ஜமுனா திரைப்படம் இன்று திரையரங்குகளில் ரிலீஸ் ஆகியுள்ளது. இந்த படத்தின் ப்ரோமோஷனுக்காக நடிகை ஐஸ்வர்யா ராஜேஷ் ஒரு தனியார் சேனலின் நிகழ்ச்சியில் கலந்து கொண்டார். அந்த நிகழ்ச்சியின் போது சென்னை மற்றும் அதன் சுற்றுவட்டாரங்களை சேர்ந்த 50-க்கும் மேற்பட்ட ஆட்டோ மற்றும் கால் டாக்ஸி பெண் ஓட்டுனர்களுடன் ஐஸ்வர்யா ராஜேஷ் கலந்துரையாடினார்.
அப்போது ஒரு பெண்ணை திடீரென ஐஸ்வர்யா ராஜேஷ் தேர்வு செய்து டிரைவர் ஜமுனா படக்குழு சார்பாக ஒரு ஆட்டோவை அந்த ஏழை பெண்ணுக்கு பரிசாக கொடுத்தார். இந்த பரிசை பார்த்தவுடன் அந்த பெண் மிகவும் மகிழ்ச்சி அடைந்தார். மேலும் இது தொடர்பான புகைப்படம் தற்போது சோசியல் மீடியாவில் வைரலாகி வரும் நிலையில் நடிகை ஐஸ்வர்யா ராஜேஷை ரசிகர்கள் பாராட்டி வருகிறார்கள்.