தமிழகத்தில் வாக்களித்த நடிகர்கள் அனைவரும் சொல்லாமல் நல்லாட்சி வரவேண்டும் என கூறி வருகிறார்கள்.
தமிழகம் முழுவதும் 234 தொகுதிகளில் மொத்தம் 88,937 வாக்குச் சாவடிகளில் காலை 7 மணிக்கு வாக்குப்பதிவு தொடங்கியது. 234 தொகுதிகளிலும் 3998 வேட்பாளர்கள் தேர்தல் களத்தில் உள்ளனர். கொரோனா பாதுகாப்பு விதிமுறைகளை முறையாக கடைப்பிடித்து உங்களது ஜனநாயகக் கடமையை நிறைவேற்றுங்கள். மேலும் பூத் ஸ்லீப் இல்லாதவர்கள் வாக்காளர் பட்டியலில் பெயர் இருந்தாலே வாக்களிக்கலாம் என தேர்தல் ஆணையம் அறிவித்துள்ளது.
அதுமட்டுமன்றி வாக்காளர் பட்டியலில் பெயர் இல்லாதவர்கள் வாக்களிக்க முடியாது. அதன்படி வாக்காளர்கள் அனைவரும் நீண்ட வரிசையில் நின்று காலை 7 மணிமுதல் வாக்களித்து வருகிறார்கள். ஆனால் பெரும்பாலான இடங்களில் வாக்கு இயந்திரங்கள் கோளாறு ஏற்பட்டதால் வாக்கு செலுத்துவதில் தாமதம் ஏற்பட்டுள்ளது.
இந்நிலையில் சென்னையில் என்று வாக்களித்த நடிகர் ஜெயம் ரவி, இந்த வருடம் நல்ல ஆட்சி வர வேண்டும் என நான் ஆசைப்படுகிறேன். தைரியமாக வாக்களியுங்கள் என கூறினார். சென்னை கோடம்பாக்கத்தில் வாக்களித்த நடிகர் விஜய் சேதுபதி, ஜாதி மதங்களுக்கு எதிராக வாக்களிக்க வேண்டும் என்பதே எனது நிலைப்பாடு என்று கூறியுள்ளார். இதனையடுத்து நீங்கள் யாருக்கு வாக்களித்தீர்கள் என ரசிகர்கள் கேள்வி எழுப்பி வருகின்றனர்.