வெஸ்ட் இண்டீஸ் அணியை மிகப்பெரிய ரன் வித்தியாசத்தில் வீழ்த்தி வெற்றி பெற்றது மகிழ்ச்சி அளிக்கிறது என்று இந்திய அணியின் கேப்டன் ரோகித் சர்மா தெரிவித்துள்ளார்.
இந்தியா மற்றும் வெஸ்ட் இண்டீஸ் அணிகளுக்கு இடையே ஆன டி20 கிரிக்கெட் தொடர் தற்போது விறுவிறுப்பாக நடைபெற்று வருகிறது. மூன்று போட்டிகள் ஏற்கனவே முடிந்த நிலையில், 2-1 என்ற கணக்கில் இந்திய அணி முன்னிலை வகித்தது. இந்நிலையில் நேற்று அமெரிக்காவின் புளோரிடா மாகாணத்தில் நான்காவது டி20 நடைபெற்றது. இந்த போட்டியில் டாஸ் வென்ற வெஸ்ட் இண்டீஸ் அணி பந்துவீச்சை தேர்வு செய்தது. அதன்படி களம் இறங்கிய இந்திய அணி 20 ஓவர்களில் 5 விக்கெட் இழந்து 191 ரன்கள் குவித்தது.
இந்திய அணியில் அதிகபட்சமாக ரிசப் பண்ட் 44 ரன்களும், கேப்டன் ரோகித் சர்மா 33 ரன்களும் குவித்தனர். பின்னர் 192 என்ற இலக்கை நோக்கி களமிறங்கிய வெஸ்ட் இண்டீஸ் அணி அதிரடியாக தொடங்கினாலும் அடுத்தடுத்து விக்கெட்டுகளை இழந்து 132 ரன்கள் மட்டுமே எடுத்து 59 ரன்கள் வித்தியாசத்தில் தோல்வியை தழுவியது. இந்திய அணி இந்த வெற்றியின் மூலம் 5 போட்டிகள் கொண்ட டி20 தொடரை 3-1 என்ற கணக்கில் கைப்பற்றியுள்ளது.
இந்திய அணியின் சார்பில் அர்ஷ்தீப் சிங் 3 விக்கெட்டுகளை கைப்பற்றினார்.. ஆவேஷ் கான், அக்சர் பட்டேல் மற்றும் ரவி பிஷ்னோய் ஆகியோர் தலா 2 விக்கெட்டுகளை வீழ்த்தினர்.
இந்நிலையில் போட்டி முடிந்த பின் பேசிய கேப்டன் ரோஹித் சர்மா, இந்த மைதானத்தில் ரன்களை குவிப்பது அவ்வளவு எளிதாக இல்லை.. இருப்பினும் எங்களது வீரர்கள் அருமையாக பேட்டிங் செய்தார்கள் நான். இந்த போட்டியில் 190 ரன்கள் குவித்த போதும் அது வெற்றிக்கு சாதகமான பாதுகாப்பான ஸ்கோர் என்று நினைக்கவில்லை.
ஏனென்றால் வெஸ்ட் இண்டீஸ் அணில் உள்ள பலமான பேட்டிங் லைனப்பிற்கு எந்த ஒரு ஸ்கோரும் பாதுகாப்பானது கிடையாது. இருப்பினும் எங்களது பந்துவீச்சாளர்கள் இந்த போட்டியில் சிறப்பாக பந்துவீசி அவர்களை ரன் அடிக்க விடாமல் கட்டுப்படுத்தினர். இறுதியில் நாங்கள் மிகச் சிறப்பாக ஆடி அவர்களை மிகப்பெரிய ரன் வித்தியாசத்தில் வீழ்த்தி வெற்றி பெற்றது மகிழ்ச்சி அளிக்கிறது என்று தெரிவித்தார்..