டுவிட்டர் பற்றிய ஒரு மிகப் பெரிய செய்தி வந்துள்ளது. இனிமேல் பயனாளர்கள் பேஸ்புக், இன்ஸ்டாகிராம் போன்று டுவிட்டரிலும் டுவிட் செய்த பின் அதனை எடிட் செய்ய முடியும். இதற்கான எடிட்பட்டனை டுவிட்டர் துவங்கியுள்ளது. எனினும் முதலாவதாக சரிபார்க்கப்பட்ட (வெரிஃபைட்) கணக்குகளுக்கு மட்டுமே இந்த வசதி கிடைக்கும். டுவிட்டை எடிட் செய்யும் வசதி வேண்டும் என பயனர்கள் நீண்டநாட்களாக கோரிக்கை விடுத்து வந்தனர். டெஸ்லாவின் தலைமை நிர்வாக அதிகாரியான எலோன்மஸ்க்கும் டுவிட் செய்து எடிட் பட்டனை அறிமுகப்படுத்த வேண்டும் என்று கோரி இருந்தார். சில தினங்களுக்கு முன்வரை, எலோன் மஸ்க் டுவிட்டரை வாங்குவது பற்றி யோசித்துக் கொண்டிருந்தார் என்பது குறிப்பிடத்தக்கது.
இருப்பினும் அந்த ஒப்பந்தமானது தற்போது சில தடைகளை சந்தித்துள்ளது. டுவிட்டரில் எடிட் பட்டன் இல்லாததும் ஒரு முக்கிய தடையாக இருந்தது. டுவிட் செய்த பின் அடுத்த அரை மணி நேரத்தில் பயனாளர்கள் அதை எடிட் செய்யமுடியும். டுவிட்டர் தற்போது இதற்கான சோதனையை துவங்கியுள்ளது. பயனாளர்கள் தங்களது கணக்கில் எடிட் பட்டனைப் பார்த்தால், அது சோதனைக்காக இருக்கிறது என்பதை புரிந்துகொள்ள வேண்டும் என டுவிட்டர் டுவிட் வாயிலாக தெரிவித்துள்ளது. தொடக்கத்தில் கணக்கு சரிபார்க்கப்பட்டவர்களுக்கு மட்டுமே (வெரிஃபைட் அகவுண்ட்) இந்த வசதி கிடைக்கும் என்பது குறிப்பிடத்தக்கது. நீங்கள் ஒரு விஷயத்தை டுவிட் செய்து, பிறகு அதனை மாற்ற நினைத்தால் மாற்றுவதற்கான வசதி கிடைக்கும்.
இருப்பினும் அச்செய்தியின் முழுஹிஸ்டரியும் பக்கத்தில் தெரியும். அதன்படி முதல் டுவிட்டில் இருந்து மாற்றப்பட்ட டுவிட் வரை அனைத்தும் காணப்படும். இந்தியாவில் இந்த வசதி எப்போது கிடைக்கும் என்பதை கூறுவது கடினம். இருந்தாலும் வெரிஃபைட் டுவிட்டர் பயனாளர்களுக்கு இந்த வசதி கண்டிப்பாக கிடைக்கும். இதனுடன் உங்கள் டுவிட்டை பார்க்கும் நபர்கள், டுவிட் எடிட் செய்யப்பட்டுள்ளது என்பதை புரிந்துகொள்வார்கள். எடிட் செய்யும் வசதி இருப்பதால் முதலாவதாக தேவையற்ற (அல்லது) சர்ச்சைக்குரிய எதையாவது டுவிட் செய்துவிட்டு, பின் திருத்த்திக்கொள்ளலாம் என நினைப்பது தவறு. ஏனென்றால் அசல் டுவிட்டில் என்ன மாற்றங்கள் செய்யப்பட்டுள்ளது என்பதையும் பயனர்களால் பார்க்க முடியும். டுவிட்டர் 320 மில்லியன் செயலிலுள்ள (ஆக்டிவ் யூசர்ஸ்) பயனர்களைக் கொண்டுள்ளது. டுவிட்டர் பயனர்கள் எடிட் பட்டனை நீண்டகாலமாக கோரி வந்தனர். அடுத்த ஓரிரு தினங்களில் பயனர்களின் டுவிட்டர் கணக்கில் எடிட் பட்டன் தெரிவதற்கான சாத்தியக்கூறுகளும் இருக்கிறது.