குரூப்-2 மட்டும் குரூப் 2ஏ விண்ணப்பத்தில் ஏதேனும் தவறுதலாக பதிவு செய்திருந்தால் அதனை மார்ச் 14-ஆம் தேதி முதல் 23-ஆம் தேதிக்குள் திருத்திக்கொள்ளலாம் என்று டிஎன்பிஎஸ்சி நிர்வாகம் அறிவித்துள்ளது.
கொரோனா பெருந்தொற்று காரணமாக கடந்த இரண்டு ஆண்டுகளாக போட்டித்தேர்வுகள் எதுவும் நடத்தப்படாமல் இருந்தது. தற்போது தொற்று படிப்படியாக குறைந்து நிலையில் பல்வேறு அரசு பணிகளுக்கான போட்டித் தேர்வுகள் குறித்த அறிவிப்பு வெளியாகி வருகின்றது. தமிழ்நாடு அரசு பணியாளர் தேர்வாணையம் ஒருங்கிணைந்த குடிமைப் பணிகளுக்கான தேர்வு தொகுதி 2க்கான தேர்வை அறிவித்துள்ளது. இரண்டு ஆண்டுகள் தேர்வு நடைபெறாத காரணத்தினால் 5000க்கும் அதிகமான காலி பணியிடங்கள் அறிமுகம் செய்யப்பட்டுள்ளது.
மேலும் நேர்முகத் தேர்வு மற்றும் நேர்முகத்தேர்வு அல்லாத பணியிடங்களுக்கு மே 21ம் தேதி தேர்வு நடத்தி பணி நியமனம் செய்ய இருப்பதாக அறிவிப்பு வெளியிட்டிருந்தது. இதற்கான விண்ணப்பங்கள் என்ற www.tnpsc.gov.in இணையதளத்தில் பிப்ரவரி 23ஆம் தேதி முதல் வெளியானது. விண்ணப்பங்களை அனுப்ப மார்ச் 23ஆம் தேதி கடைசி நாள் என்று அறிவிக்கப்பட்டுள்ளது. இந்நிலையில் குரூப் 2 மற்றும் குரூப் 2 தேர்வுக்கான விண்ணப்பத்தில் தவறுகளை திருத்துவதற்கான வாய்ப்பை வழங்க வேண்டும் என்று விண்ணப்பதாரர்கள் கோரிக்கை விடுத்து வந்தனர். இதனால் தற்போது குரூப் 2 மற்றும் குரூப் 2ஏ விண்ணப்பத்தில் ஏதேனும் தவறுதலாக பதிவு செய்திருந்தால் அதனை மார்ச் 14-ஆம் தேதி முதல் 23ம் தேதிக்குள் தங்களின் OTR கணக்கு மூலம் திருத்தம் செய்து கொள்ளலாம் என டிஎன்பிஎஸ்சி நிர்வாகம் அறிவித்துள்ளது.