தமிழ்நாடு வெதர்மேன் தனது பேஸ்புக் பதிவில் கூறப்பட்டிருப்பதாவது, எதிர்பார்த்தது போல தமிழகத்தின் உள் மாவட்டங்களில் கன மழை பெய்வதற்கான வாய்ப்பு உள்ளது. சென்னை, திருவள்ளூர், காஞ்சிபுரம், செங்கல்பட்டு போன்ற மாவட்டங்களில் இனிவரும் நாட்களில் மழை விட்டு விட்டு பெய்யும். மேலும் தமிழகத்தின் மேற்கு உள் மாவட்டங்களில் நல்ல மழை பெய்யும் நீலகிரி, கோவை, திருப்பூர், ஈரோடு, திண்டுக்கல், கரூர், தேனி, விருதுநகர், மதுரை, டெல்டா மாவட்டங்களிலும் மழை பெய்யும்.
அதே போல சேலம், நாமக்கல், திருச்சி, கிருஷ்ணகிரி, திருப்பத்தூர்,பெரம்பலூர், கள்ளக்குறிச்சி மாவட்டங்களிலும் மழை பெய்கிறது. சென்னையில் தென்கிழக்கு பகுதி முதல் திடீர் திடீரென மழை இரவு மற்றும் காலை நேரங்களில் மழை பெய்கிறது இந்த நிலையில் 15ஆம் தேதி முதல் கிழக்கிந்திய காற்று வீசத் தொடங்குகிறது. இதனால் அடுத்த பத்து தினங்களில் வங்கக்கடலில் காற்றழுத்தம் உருவாகிறது இனி வரும் நாட்கள் சுவாரசியமானவை என தெரிவித்துள்ளார் வெதர்மேன்.