தமிழகத்தில் அனைத்து கல்லூரி மாணவர்களுக்கும் ஜனவரி 20ஆம் தேதிக்கு பின்னர் செமஸ்டர் தேர்வு நடத்த உள்ளதாக தகவல் வெளியாகியுள்ளது. அதனால் வாரத்தில் ஆறு நாட்கள் வகுப்புகள் நடத்த உயர்கல்வித்துறை உத்தரவு பிறப்பித்துள்ளது.
தமிழகத்தில் தீவிரமாகப் பரவி வந்த தொற்று காரணமாக அனைத்து கல்லூரி மாணவர்களுக்கும் ஆன்லைன் மூலமாக வகுப்புகள் எடுக்கப்பட்டு வந்தது. இந்நிலையில் தற்போது தொடர்ந்து தொற்று குறைந்து வருவதால் கடந்த செப்டம்பர் 1 ஆம் தேதி முதல் கல்லூரிகள் திறக்கப்பட்டு நேரடி வகுப்புகள் நடத்தப்பட்டு வருகின்றது. மேலும் சுழற்சிமுறையில் வகுப்புகள் நடத்தப்பட்டு வருகின்றது. இருப்பினும் கடந்த சில நாட்களாக மழையின் காரணமாக தொடர் விடுமுறை அளிக்கப்பட்டு வருவதாலும், சுழற்சி முறையில் வகுப்புகள் நடத்தப்பட்டு வருவதாலும் தேர்வுக்கான பாடங்களை நடத்தி முடிப்பதில் சிக்கல் ஏற்பட்டுள்ளது.
இதனால் தேர்வுகளை ஆன்லைனில் நடத்த வேண்டும் என்று கூறி மாணவர்கள் போராட்டத்தை நடத்தினர். அதன் பின்னர் ஜனவரி 20 க்கு பின்னர் நடத்தப்படும் என்றும், கல்லூரி மாணவர்களுக்கு வாரத்தில் ஆறு நாட்கள் வகுப்புகளை நடத்தி பாடங்களை விரைவில் நடத்தி முடிக்க உயர்கல்வித் துறை உத்தரவு பிறப்பித்துள்ளது.