தமிழகம் முழுவதும் கடந்த 5 ஆம் தேதி முதல் 12 ஆம் வகுப்பு பொதுத் தேர்வு நடைபெற்று வருகிறது. அதன்படி தமிழ், ஆங்கிலம், கணிதம், வேதியியல், வணிகவியல், இயற்பியல், பொருளியல், புள்ளியியல், உள்ளிட்ட பாடங்களுக்கான தேர்வுகள் முடிந்துவிட்டது. மேலும் உயிரியல், தாவரவியல், வணிக கணிதம் மற்றும் பொறியியல் பாடங்களுக்கான தேர்வு ன்று நடைபெற்றது. அது மட்டுமில்லாமல் பல முக்கிய பாடங்கள் பொதுத்தேர்வு இன்றுடன் முடிகிறது. தொழிற்படிப்புக்கான தேர்வுகள் மட்டுமே 28ஆம் தேதி வரை நடைபெற உள்ளது. இதனிடையில் விடைத்தாள்களை மண்டல திருத்துதல் மையங்களுக்கு கொண்டு செல்லும் பணிகள் தீவிரமாக நடைபெற்று வருகிறது.
மேலும் தேர்வு முடிவுகள் ஜூன் 21-ஆம் தேதி வெளியாகும் என்று தேர்வுத்துறை அதிகாரிகள் தெரிவித்து உள்ளனர். இந்நிலையில் 12 ஆம் வகுப்பு பொதுத் தேர்வு முடிவதற்குள் கல்லூரிகளில் மாணவர்கள் சேர்க்கைக்கான பணிகள் தீவிரமாக நடைபெற்று வருகிறது. அதுமட்டுமில்லாமல் பல முன்னணி கலை அறிவியல் கல்லூரிகள் இணையதளம் வழியாக விண்ணப்பங்களை பூர்த்தி செய்யலாம் என்று அறிவிக்கப்பட்டுள்ளது. மேலும் கல்லூரி கல்வி இயக்குனரகம் அட்டவணையை வெளியிடும் முன்பே தனியார் கல்லூரிகளில் மாணவர் சேர்க்கை பணிகள் தீவிரமாக நடைபெற்று வருகிறது.