கோயம்புத்தூர் மாவட்டத்தில் 84 வயதுடைய கமலாத்தாள் என்ற மூதாட்டி வசித்து வருகிறார். இந்த மூதாட்டி ஏழை, எளிய மக்களுக்காக 1 ரூபாய்க்கு இட்லி விற்று வருகிறார். இதனை கேள்விப்பட்ட ஆனந்த் மஹிந்திரா மூதாட்டி குறித்து விசாரித்துள்ளார். அப்போது மூதாட்டி விறகு அடுப்பில் சமைப்பது தெரியவந்தது. இதனால் ஆனந்த் மஹிந்திரா மூதாட்டிக்கு கேஸ் அடுப்பு மற்றும் சிலிண்டர் வாங்கி கொடுத்துள்ளார்.
இந்நிலையில் அந்த மூதாட்டியிடம் உங்களுக்கு என்ன வேண்டும் என்று கேட்டுள்ளார். அப்போது மூதாட்டி இத்தனை வருடங்கள் நான் குடிசை வீட்டில் வசித்து சேவை செய்து வருகிறேன். ஒரு அறை இருக்குமாறு வீடு இருந்தால் இந்த சேவையை இன்னும் சிறப்பாக செய்வேன் என தெரிவித்துள்ளார். இதனை கேட்டவுடன் ஆனந்த் மஹிந்திரா ஒரு வீட்டை கட்டி அன்னையர் தினம் அன்று அந்த வீட்டை மூதாட்டியின் பெயருக்கு பத்திரப்பதிவு செய்து கொடுத்துள்ளார்.