தமிழ் திரையுலகின் சூப்பர் ஸ்டார் ரஜினிகாந்த் தனக்கென்று தனி ரசிகர் பட்டாளத்தை வைத்திருப்பவர். இவர் இயக்குனர் சிவா இயக்கத்தில் நடித்திருக்கும் திரைப்படம் அண்ணாத்த. சன் பிக்சர்ஸ் தயாரித்துள்ள இந்த படம் தீபாவளியை முன்னிட்டு திரைக்கு வர இருக்கிறது.
ஏற்கனவே இப்படத்தில் இருந்து இரண்டு பாடல்கள் மற்றும் படத்தின் டீசர் வெளியாகி ரசிகர்கள் மத்தியில் எதிர்பார்ப்பை அதிகரிக்கச் செய்தது. இந்நிலையில் இன்று மாலை 6 மணிக்கு அண்ணாத்த திரைப்படத்திலிருந்து மருதாணி பாடல் வெளியாகும் என தகவல் வெளியாகி உள்ளது. இந்த பாடலுக்காக ரசிகர்கள் மிகுந்த ஆர்வத்துடன் காத்திருக்கின்றனர்.
