ஜெர்மன் வெளியுறவு அமைச்சகம் தன் குடிமக்களை சீனாவிற்கு செல்ல தடை விதித்து எச்சரித்துள்ளது.
சீன நாட்டிற்கு செல்லும் பயணிகளுக்கு கொரோனா இல்லை என்று தெரிந்தாலும் கூட பல நாட்களாக தனிமைப் படுத்தப்படுகிறார்கள் என்றும் அவர்களிடமிருந்து அடிக்கடி ரத்த மாதிரிகள் சேகரிக்கப்பட்டு சோதனைக்கு உட்படுத்துகிறார்கள். எனவே ஜெர்மனி தங்கள் குடிமக்களை சீனாநாட்டிற்கு செல்ல வேண்டாம் என்று எச்சரித்துள்ளது.
அதாவது ஜெர்மனி வெளியுறவு அமைச்சகம், தனிமைப்படுத்தப்படும் நபர்கள் தினசரி ரத்த மாதிரிகள் சேகரித்து பரிசோதனைகள் செய்யப்பட்டு கணினி மூலம் இயங்கும் ஸ்கேன்களுக்கு மட்டுமே உட்படுத்தப்படுகிறார்கள். எனவே தான் இந்த எச்சரிக்கை விடுக்கப்பட்டதாக தெரிவித்துள்ளது.
மேலும் 14 வயதுக்குட்பட்ட குழந்தைகள் மட்டுமே பெற்றோர்களுடன் தங்குவதற்கு அனுமதிக்கப்படுகிறார்களாம். 14 வயதுக்கு அதிகமான குழந்தைகள் பெற்றோர்களை விட்டு தனி அறைகளில் தனிமைப்படுத்தப்படுகிறார்கள். இதனிடையே ஜெர்மனியை சேர்ந்த இரண்டு நபர்கள் சீனாவிற்கு சென்ற நிலையில் அவர்களை பல வாரங்களாக தனிமைபடுத்தியுள்ளார்கள்.
மேலும் அவர்கள் கொரோனாவிலிருந்து குணமான பின்பும் தினசரி அவர்களுக்கு கட்டாயமாக மருத்துவ சோதனை செய்யப்படுகிறது. இதனால் ஜெர்மன் மக்கள் சீனாவிற்கு செல்ல தடை விதிக்கப்பட்டு எச்சரிக்கை விடுக்கப்பட்டுள்ளது. இதனால் ஜெர்மன் வெளியுறவு அமைச்சகமானது தங்கள் குடிமக்களை இவ்வாறு நடத்தியதற்காக சீனாவை எதிர்த்து பதிவு செய்ததாக தெரிவிக்கப்பட்டுள்ளது.