இன்றைய காலகட்டத்தில் பணம் சம்பாதிப்பது எவ்வளவு கஷ்டம் என்று அனைவருக்கும் தெரியும். பணத்தை நோக்கிதான் அனைவரும் ஓடிக்கொண்டிருக்கின்றனர். ஆனால் சிலர் சிறிய வேலைகளை செய்து கொண்டு அதிக அளவு பணம் சம்பாதிக்கின்றனர். அதற்கு அவர்களின் புத்திக் கூர்மையை காரணம். அப்படிப்பட்ட ஒருவர்தான் அமெரிக்காவை சேர்ந்த ராபர்ட் சாமுவெல். அமெரிக்காவின் எங்கு வரிசை இருந்தாலும் அவர் தான் முதலில் இருப்பாராம்.
இதுதான் இவருடைய வேலை. நம்முடைய ஊர்களில் ரேஷன் கடைகளில் வரிசையில் நின்று பொருட்கள் வாங்க நாம் எவ்வளவு சிரமப்படுவோம். அதனைப் போல தான் அமெரிக்காவில் எங்கு வரிசை போட்டாலும் இவர் முதலில் இருப்பார். அதன் பிறகு அந்த வரிசையில் நிற்பவர் யாராவது ஒருவருக்கு பணத்தை வாங்கிக் கொண்டு அந்த இடத்தை விட்டுக் கொடுப்பார்.
அதன் பிறகு அவர்களும் எவ்வித சிரமமும் இல்லாமல் வரிசையில் முதல் ஆளாக நின்று தங்கள் தேவையைப் பூர்த்தி செய்து கொள்வார்கள். இப்படி ஒரு வேலையை தான் இவர் தினமும் செய்து வருகிறார். கிட்டத்தட்ட வாரத்திற்கு 80 ஆயிரம் ரூபாய் இவர் சம்பாதிக்கிறார். நாம் வருடம் முழுவதும் சிரமப்பட்டு சம்பாதிக்கும் பணத்தை இவர் மிகவும் சுலபமாக நின்றுகொண்டே சம்பாதிக்கிறார்.