சிவகங்கை மாவட்டம் சாக்கோட்டை அருகே மோட்டார் சைக்கிள் விபத்துக்குள்ளானதில் விவசாயி பலியான சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள பனம்ட்டியை அடுத்த நடுதாவு கிராமத்தில் முத்தையா என்பவர் வசித்து வந்தார். இவர் விவசாயம் செய்து வந்துள்ளார். இந்நிலையில் சம்பவத்தன்று இவர் தென்கரை நோக்கி வடகரை என்ற இடத்தில் இருந்து மோட்டார் சைக்கிளில் சென்று கொண்டிருந்தார்.
இதையடுத்து மோட்டார் சைக்கிள் நான்கு ரோடு சந்திப்பு அருகே சென்று கொண்டிருந்த போது சாலையிலிருந்த கல்லில் மோதியதில் நிலை தடுமாறி கீழே விழுந்தார். அதில் அவருக்கு பலத்த காயங்கள் ஏற்பட்டது. இதையடுத்து அவர் சிகிச்சைக்காக மதுரை அரசு மருத்துவமனையில் சேர்க்கப்பட்டார். அங்கு அவர் சிகிச்சை பலனளிக்காமல் பரிதாபமாக இறந்துவிட்டார்.