ராணிப்பேட்டையில் டி.வி.எஸ் சில் சென்று கொண்டிருந்த பெண்ணிடம் மர்ம நபர்கள் 7 பவுன் நகையை பறித்து சென்ற சம்பவம் பரபரப்பை ஏற்படுத்தியுள்ளது.
ராணிப்பேட்டை மாவட்டம் ஆற்காட்டில் தனலட்சுமி என்பவர் வசித்து வருகிறார். இவர் சத்துவாச்சாரியில் ரத்தப் பரிசோதனை செய்யும் நிலையம் வைத்து அதில் பணிபுரிந்து வந்துள்ளார். இந்நிலையில் அவர் வேலை முடிந்தது விட்டு வீடு திரும்புவதற்காக டி.வி.எஸ்’ல் அரக்கோணம் வழியே சென்றுள்ளார்.
அப்போது அவருக்கு பின்னால் மோட்டார் சைக்கிளில் ஹெல்மெட் அணிந்து கொண்டு வந்த இரு மர்ம நபர்கள் தனலட்சுமி அணிந்திருந்த 7 பவுன் தங்க நகையை பறித்துக்கொண்டு அங்கிருந்து தப்பி ஓடிவிட்டனர். இதனால் அதிர்ச்சியடைந்த தனலட்சுமி இச்சம்பவம் குறித்து ரத்தினகிரி காவல் நிலையத்தில் புகார் கொடுத்துள்ளார். அப்புகாரை ஏற்ற காவல்துறையினர் வழக்குப்பதிவு செய்து மர்ம நபர்களை தேடி வருகின்றனர்.