பிரபல இயக்குனர் சிவாவின் தந்தை ஜெயக்குமார் உடல்நலக் குறைவால் இன்று காலமானார்.
தமிழ் திரையுலகில் பிரபல இயக்குனர் சிவா ‘சிறுத்தை’ திரைப்படம் மூலம் இயக்குனராக அறிமுகமானவர். இதையடுத்து நடிகர் அஜித்தை வைத்து வீரம், விவேகம், வேதாளம், விஸ்வாசம் ஆகிய திரைப்படங்களை இயக்கியுள்ளார். தற்போது சூப்பர் ஸ்டார் ரஜினிகாந்த் நடிக்கும் அண்ணாத்த திரைப்படத்தை இயக்கி வருகிறார்.
இந்நிலையில் இயக்குனர் சிவாவின் தந்தை ஜெயக்குமார் உடல்நலக் குறைவால் இன்று காலமானார். இதையடுத்து தமிழ் திரையுலக பிரபலங்கள் இயக்குனர் சிவாவிற்கும் அவரது குடும்பத்தினருக்கும் இரங்கல் தெரிவித்து வருகின்றனர்.