கல்கி எழுதிய புகழ் பெற்ற பொன்னியின் செல்வன் நாவலை மணிரத்னம் படமாக இயக்கி இருக்கிறார். 2 பாகங்களாக தயாராகியுள்ள பொன்னியின் செல்வன் திரைப்படத்தின் முதல் பாகம் செப்டம்பர் 30ம் தேதி வெளியாக இருக்கிறது. இத்திரைப்படத்தின் டிரைலர் மற்றும் இசை வெளியீட்டு விழா சென்னை நேரு உள்விளையாட்டு அரங்கில் நேற்று நடந்தது. இதற்காக அங்கு பிரமாண்ட அரங்கு அமைத்திருந்தனர். அப்போது விழாவில் நடிகர்கள் ரஜினிகாந்த், கமல்ஹாசன் போன்றோர் பங்கேற்று பாடல் மற்றும் டிரைலரை வெளியிட்டனர்.
இந்த விழாவில் பங்கேற்ற இசையமைப்பாளர் ஏ.ஆர்.ரகுமான் பேசியதாவது “இப்படத்துக்காக தோடி உட்பட எத்தனையோ ராகத்தில் பாடலும், இசையும் அமைத்து மணிரத்னத்திடம் போட்டு காண்பித்தேன். எனினும் அவர் அதனை ஏற்கவே இல்லை. அதன்பின் சில விஷயங்களை கற்பனை செய்து தமிழ் மற்றும் தென்னிந்திய கலாசாரத்தை நினைத்து இசையமைத்தேன். இடை இடையே சின்ன சின்ன அரபிக் டச் கொடுத்து இசை அமைத்தேன். அதை மணிரத்னத்திடம் போட்டுக்காட்டினேன். ஒரு மாதம் கழித்து அவர் ஓகே என்று கூறினார். அப்படி இத்திரைப்படத்துக்கு பார்த்து பார்த்து இசைவடிவம் கொடுத்திருக்கிறோம்”என கூறினார்.