இந்த வருடத்தின் நோபல் பரிசுக்கான பட்டியலில் 211 தனிநபர்கள் மற்றும் 107 அமைப்புகள் என மொத்தம் 318 பேர் இடம் பெற்றுள்ளனர்.
உலகிலேயே மிக உயர்ந்த விருதாக கருதப்படும் நோபல் பரிசு நேற்று முதல் அறிவிக்கப்பட தொடங்கியுள்ளது. இந்த வருடத்திற்கான நோபல் பரிசு பட்டியலில் 211 தனிநபர்கள் மற்றும் 107 அமைப்புகள் என ஒட்டுமொத்தமாக 318 பேர் இடம் பெற்றுள்ளனர். இந்த நிலையில் இவ்வருடத்தின் இயற்பியல் துறையில் நோபல் பரிசு பெறுபவர்களின் பெயர்கள் தற்போது வெளியிடப்பட்டுள்ளன. அவ்வகையில் ரோஜர் பென்ரோஸ், ரெயின் ஹார்ட் ஜென்சில், ஆண்டிரியா கெஸ் ஆகிய 3 பேருக்கும் நோபல் பரிசு அறிவிக்கப்பட்டுள்ளது.
கருந்துளை பற்றி ஆய்வு நடத்தியதற்காக அவர்களுக்கு இந்த கௌரவம் வழங்கப்பட்டுள்ளது. இவற்றைத் தொடர்ந்து நாளை வேதியல் துறைக்கும், நாளை மறுநாள் இலக்கியத்திற்கும், ஒன்பதாம் தேதி அமைதிக்கான நோபல் பரிசு மற்றும் பத்தாம் தேதி பொருளாதாரத்திற்கான நோபல் பரிசு ஆகியவை அறிவிக்கப்பட இருக்கின்றது.