மெட்டி ஒலி இயக்குனர் திருமுருகன் இரண்டு திரைப்படங்கள் இயக்கியுள்ளார்.
சன் டிவியில் ஒளிபரப்பான மெட்டி ஒலி சீரியலுக்கு ரசிகர்களிடையே மிகப்பெரிய வரவேற்பு கிடைத்தது. இந்த சீரியலை திருமுருகன் இயக்கியிருந்தார். இவர் கூட்டுக் குடும்பத்தின் மகத்துவத்தை உணர்த்தும் வகையில் சீரியல்களை இயக்குபவர். மேலும் திருமுருகன் இரண்டு திரைப்படங்களையும் இயக்கியுள்ளார். அதன்படி கடந்த 2006-ஆம் ஆண்டு இவர் இயக்கத்தில் வெளியான திரைப்படம் எம் மகன். தியாகராஜன் தயாரித்திருந்த இந்த படத்தில் பரத், நாசர், கோபிகா, சரண்யா பொன்வண்ணன், வடிவேலு உள்ளிட்ட பலர் நடித்திருந்தனர்.
இந்த படத்தில் நாசர், பரத் இருவரும் அப்பா- மகனாக நடித்திருந்தனர். அப்பாவிடம் அவமானப்பட்டு அவர் கடையில் வேலை பார்த்து வரும் பரத், தனது மாமா பெண்ணை காதலித்து திருமணம் செய்து கொண்டு வாழ்க்கையில் முன்னேறிய பிறகு மீண்டும் தன் குடும்பத்துடன் இணைவார். மேலும் இந்த படத்தில் வடிவேலுவின் காமெடி ரசிக்கும்படி இருந்தது. இதைத் தொடர்ந்து கடந்த 2008-ஆம் ஆண்டு திருமுருகன் இயக்கத்தில் பரத், பூர்ணிமா, வடிவேலு உள்ளிட்டோர் நடிப்பில் முனியாண்டி விலங்கியல் மூன்றாமாண்டு திரைப்படம் வெளியானது . நகைச்சுவை கதையம்சம் கொண்ட இந்த படத்தில் வடிவேலு சொரிமுத்து அய்யனார் என்ற கேரக்டரில் நடித்து அசத்தியிருந்தார்.