வேலூர் மாவட்டத்தில் வரும் 15ஆம் தேதி அன்று ராணுவ வேலைவாய்ப்பு முகாம் நடைபெற உள்ளது. இதுகுறித்து ராணுவ துறை வெளியிட்டுள்ள அறிவிப்பில், வேலூர் மாவட்ட விளையாட்டு மைதானத்தில் வரும் 15ம் தேதி முதல் 29ஆம் தேதி வரை அக்னி வீர் ஆண் மற்றும் பெண், பாதுகாப்பு படை வீரர் பிரிவு, செவிலியர் கால்நடை துறையில் உதவி செவிலியர் உள்ளிட்ட பணியிடங்களுக்கான வேலை வாய்ப்பு முகாம் நடைபெற உள்ளது.
இந்த பணிகளுக்கு தமிழ்நாடு, ஆந்திரா தெலுங்கானா உள்ளிட்ட பகுதியிலிருந்து வேலைவாய்ப்பு முகாமில் பங்கேற்கலாம். தேவையான அனைத்து கல்வி சான்றிதழ்களையும் எடுத்து வர வேண்டும். இந்த வேலைவாய்ப்பு முகாம் முற்றிலும் தானியங்கி முறையில் நடைபெற உள்ளது. மேலும் இந்த முகாமில் ஏற்கனவே முன்பதிவு செய்தவர்கள் மட்டுமே பங்கேற்க முடியும் எனவும் தெரிவிக்கப்பட்டுள்ளது.