தூத்துக்குடி மாவட்டத்தில் இருசக்கர வாகனத்தில் சென்று கொண்டிருந்த ஜோதிடர் ஒருவர் விபத்துக்குள்ளாகி உயிரிழந்துள்ளார்.
தூத்துக்குடி மாவட்டம் கோவில்பட்டியில் உள்ள ரஜீவகாந்தி நகரில் சுப்பையா என்பவர் வசித்து வந்துள்ளார். இவரது மகனான திலக்(43) கோவில்பட்டி மாதாங்கோவில் அருகே உள்ள கட்டிடத்தில் ஜாதகம் பார்க்கும் தொழில் செய்து வருகிறார். இந்நிலையில் திலக் வெங்கடேஸ்வரபுரத்தில் உள்ள உறவினர் வீட்டிற்கு சென்றுள்ளார். இதனையடுத்து அன்று இரவு மீண்டும் அவரது வீட்டிற்கு இருசக்கர வாகனத்தில் திரும்பிக்கொண்டிருந்த போது குமாரபுரம் அருகே திடீரென இருசக்கரவாகனம் கட்டுப்பாட்டை இழந்துள்ளது.
இதனைத்தொடர்ந்து கீழவிழுந்து படுகாயமடந்தை திலக்கை அருகிலிருந்தவர்கள் மீட்டு கோவில்பட்டி அரசு மருத்துவமனைக்கு அழைத்து சென்றுள்ளனர். மேலும் முதலுதவி செய்யப்பட்டபிறகு மேல் சிகிச்சைக்காக தனியார் மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டுள்ளது. இந்நிலையில் சிகிச்சை பலனின்றி திலக் உயிரிழந்துள்ளார். இதுகுறித்து நாலாட்டின்புத்தூர் காவல்துறையினர் வழக்கு பதிவு செய்து விசாரணை நடத்தி வருகின்றனர்.