அடையாளம் தெரியாத வாகனம் மோதி வாலிபர் உயிரிழந்த சம்பவம் பெரும் சோகத்தை ஏற்படுத்தியுள்ளது.
மதுரை விராட்டிபத்து பகுதியில் வசித்து வந்த நாகேந்திர பிரசாத் தனது இருசக்கர வாகனத்தில் நாகமலைபுதுக்கோட்டைக்கு சென்றுகொண்டிருந்தார். அப்போது சீனிவாசா காலனி அருகே சென்று கொண்டிருந்த நாகேந்திர பிரசாத்தின் இரு சக்கர வாகனத்தின் மீது அடையாளம் தெரியாத வாகனம் ஒன்று மோதிவிட்டு நிற்காமல் சென்றுள்ளது.
இதனால் படுகாயமடைந்த நாகேந்திர பிரசாத் சம்பவ இடத்திலேயே பரிதாபமாக உயிரிழந்துள்ளார். இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று வாலிபரின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் நாகேந்திர பிரசாத்தின் வாகனம் மீது மோதி விட்டு நிற்காமல் சென்ற நபர்களை காவல்துறையினர் வலைவீசி தேடி வருகின்றனர்.