இருசக்கர வாகனம் மீது லாரி மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
விழுப்புரம் மாவட்டத்திலுள்ள பாப்பனப்பட்டு கிராமத்தில் மதீஷ் என்பவர் வசித்து வந்துள்ளார். இவர் ஐ.ஐ.டி. படித்துள்ளார். இந்நிலையில் மதீஷ் தனது நண்பரான பிரகாஷுடன் கீழங்கொந்தைக்கு இருசக்கர வாகனத்தில் சென்றுகொண்டிருந்தார். அப்போது பின்னால் வந்த லாரி மதீஷ் ஓட்டிச் சென்ற இருசக்கர வாகனம் மீது பலமாக மோதியது.
இதனால் நிலைதடுமாறி கீழே விழுந்த மதீஷின் தலை மீது லாரியின் சக்கரம் ஏறி இறங்கியதால் தலை நசுங்கி சம்பவ இடத்திலேயே பரிதாபமாக உயிரிழந்துவிட்டார். மேலும் பலத்த காயமடைந்த பிரகாஷை அக்கம்பக்கத்தினர் மீட்டு சிகிச்சைக்காக அரசு மருத்துவமனைக்கு கொண்டு சென்றனர். இதுகுறித்து வழக்கு பதிந்த காவல்துறையினர் தீவிர விசாரணை மேற்கொண்டு வருகின்றனர்.