இருசக்கர வாகனம் மோதிய விபத்தில் ஒருவர் பலியான சம்பவம் சோகத்தை ஏற்படுத்தியுள்ளது.
நாகப்பட்டினம் மாவட்டத்திலுள்ள கணக்கன்காடு பகுதியில் மணி என்பவர் வசித்து வந்துள்ளார். இவரும் அவருடைய நண்பர் அன்பழகனும் வேதாரண்யத்திலிருந்து திருத்துறைப்பூண்டி சாலையில் சென்றுகொண்டிருந்தனர். இவர்கள் பெட்ரோல் பங்க் அருகே சென்றுகொண்டிருந்தபோது அந்த வழியாக வந்த ஸ்கூட்டர் மணியின் இருசக்கர வாகனம் மீது வேகமாக மோதியது.
இந்த விபத்தில் பலத்த காயமடைந்த அன்பழகன் மற்றும் மணி ஆகியோரை அக்கம்பக்கத்தினர் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு அளிக்கப்பட்ட சிகிச்சை பலனின்றி மணி பரிதாபமாக உயிரிழந்துவிட்டார். இதுகுறித்து வழக்கு பதிந்த காவல்துறையினர் தீவிர விசாரணை மேற்கொண்டு வருகின்றனர்.