இருட்டனை, மேல்சாத்தம்பூர் உள்ளிட்ட கிராமங்களில் உழவர் நலத்துறை திட்ட பணிகளை அதிகாரி ஆய்வு செய்தார்.
நாமக்கல் மாவட்டத்தில் உள்ள பரமத்தி அருகே இருக்கும் மேல்சாத்தம்பூர், இருட்டனை உள்ளிட்ட கிராமங்களில் வேளாண்மை உழவர் நலத்துறையின் கீழ் செயல்படுத்தப்படும் திட்ட பணிகளை விதைச்சான்று மற்றும் அங்கக சான்றளிப்புத்துறை வேளாண்மை இணை இயக்குனர் ஆய்வு மேற்கொண்டார்.
மேலும் 2021-22 ஆம் வருடத்திற்கான ஒருங்கிணைந்த வேளாண் வளர்ச்சி திட்டத்தின் கீழ் செய்த திட்டப்பணிகளை பார்வையிட்டார். பின் பண்ணை கருவிகள், தென்னங்கன்றுகள், கைத்தெளிப்பான்கள், தார்பாய்கள் வினியோகம் உள்ளிட்டவை பற்றி ஊராட்சி மன்ற தலைவர் மற்றும் விவசாயிகளிடம் கலந்துரையாடினார். இதையடுத்து தோட்டக்கலை துறை சார்பாக விவசாயிகளுக்கு மரக்கன்றுகளை வழங்கினார்.