தமிழகத்தில் படித்த வேலைவாய்ப்பற்ற எஸ்.சி., எஸ்.டி., இளைஞர்கள் தகுதியான வேலை பெறும் நோக்கத்தில் தமிழ்நாடு அரசு வேலைவாய்ப்பு மற்றும் பயிற்சித்துறை முகாம் மூலம் வேலைவாய்ப்பு முகாம் நடத்தப்பட்டு வருகிறது. அதன்படி தற்போது வேலைவாய்ப்பு மற்றும் பயிற்சித்துறை காஞ்சிபுரம், மாவட்ட நிர்வாகம் ஒருங்கிணைந்து எஸ்.சி., எஸ்.டி,., இளைஞர்களுக்கான வேலை வாய்ப்பு முகாம் நாளை மறுநாள் காஞ்சிபுரம் பச்சையப்பன் மேல்நிலைப்பள்ளியில் நடத்தப்பட உள்ளது. இந்த முகாமில் கலந்து கொண்டு ஆட்களை தேர்வு செய்வதற்காக 50க்கும் மேற்பட்ட தனியார் நிறுவனங்கள் விருப்பம் தெரிவித்துள்ளது.
அதனைத் தொடர்ந்து இந்த முகாமில் 8 ஆம் வகுப்பு, 10 ஆம் வகுப்பு, 12 ஆம் வகுப்பு, பட்டப்படிப்பு, ஐ.டி.ஐ., டிப்ளமோ, இன்ஜினியரிங் படித்த வேலை தேடுபவர்கள் இந்த முகாமில் கலந்துகொண்டு வேலைவாய்ப்பு பெற்று பயன்பெறலாம். இந்த முகாமில் கலந்து கொள்ளும் நிறுவனங்களுக்கும் எஸ்.சி., எஸ்.டிக்கு அனுமதி இலவசம். முகாமில் கலந்து கொள்ளும் விரும்புவோர்கள் தங்களுடைய அசல் கல்வி சான்றிதழ் மற்றும் பாஸ்போர்ட் சைஸ் புகைப்படத்தை கொண்டு வரவேண்டும். மேலும் வேலை வாய்ப்பு முகாமில் கலந்து கொள்ள விரும்புபவர்கள் 10 மணி முதல் முகாம் இடத்தில் பதிவு செய்து கொள்ள வேண்டும் என்று தெரிவிக்கப்பட்டுள்ளது.