கொரோனா சூழல் குறித்து இன்று இரவு 8 45 மணிக்கு நாட்டு மக்களுக்கு பிரதமர் மோடி உரையாற்றினர். கொரோனா தடுப்பு நடவடிக்கைகள் குறித்து அடுத்தடுத்து ஆலோசனை நடத்திய நிலையில் பிரதமர் மோடி உரையாற்றுகிறார். முன்னதாக கொரோனா தடுப்பு நடவடிக்கை குறித்து மருத்துவ வல்லுனர்கள், தடுப்பூசி தயாரிப்பு நிறுவனங்கள் மருந்து நிறுவனங்களுடன் ஆலோசித்தார் பிரதமர் மோடி.
மக்களிடம் உரையாற்றிய பிரதமர்,முன் களப்பணியாளர்கள், மூத்த குடிமக்கள் பெரும்பாலானோருக்கு தடுப்பூசி கிடைத்துவிட்டது. இதுவரை 12 கோடிக்கு மேற்பட்டோருக்கு தடுப்பூசி போடப்பட்டுள்ளது. ஏழைகள், நடுத்தர பிரிவினருக்கு இலவசமாக தடுப்பூசி போடும் பணி தொடரும். 18 வயதுக்கு மேற்பட்டோரும் வருகின்ற ஒன்றாம் தேதி முதல் தடுப்பூசி போட்டுக் கொள்ளலாம்.
மூத்த குடிமக்கள் பெரும்பாலோனோருக்கு தடுப்பூசி கிடைத்துவிட்டது.கட்டுப்பாடு மையங்களை அதிகரிப்பதன் மூலம் நாடு முழுவதும் முழு முடக்கம் வருவதை தடுக்க முடியும். அதனால் சரியான விஷயங்களை செய்ய இளைஞர்கள் முன்வர வேண்டும் என மோடி தெரிவித்தார்.