தமிழகத்தில் கடந்த இரண்டு வருடமாக கொரோனா காரணமாக மாநிலத்தில் வேலை வாய்ப்பு முகாம் எதுவும் நடத்தப்படாமல் இருந்தது. அதனால் பெரும்பாலான இளைஞர்கள் வேலையின்றி தவித்து வந்தனர். தற்போது கொரோனா பாதிப்பு குறைந்து உள்ள நிலையில் ஒவ்வொரு மாவட்டத்திலும் வேலை இல்லா திண்டாட்டத்தை குறைக்க வேலைவாய்ப்பு முகாம்களை அரசு நடத்தி வருகின்றது.
அதன்படி சென்னை திருவொற்றியூர், ஜெயகோபால் கரோடியா மேல்நிலைப் பள்ளியில் இன்று மாபெரும் தனியார் வேலைவாய்ப்பு முகாம் நடைபெற உள்ளது. இந்த முகாமில் பங்கேற்க செல்வோரின் வசதிக்காக சென்னை மாநகர போக்குவரத்து கழகத்தின் சார்பாக கூடுதலாக 33 சிறப்பு பேருந்துகள் இயக்கப்படுவதாக அறிவிக்கப்பட்டுள்ளது. வழக்கமாக இயக்கப்படும் சாதாரண, விரைவு மற்றும் சொகுசு பேருந்துகள் உடன் 33 சிறப்பு பேருந்துகள் இயக்கப்பட உள்ளது.
இந்த வேலைவாய்ப்பு முகாமில் பங்கேற்க விரும்பும் இளைஞர்கள் ஆதார் அட்டை, கல்விச் சான்றிதழ், பாஸ்போர்ட் சைஸ் போட்டோ மற்றும் சுய விபரக் குறிப்பு ஆகியவற்றை எடுத்துச் செல்ல வேண்டும். இந்த அரிய வாய்ப்பை இளைஞர்கள் தவறவிட வேண்டாம் என அறிவுறுத்தப்பட்டுள்ளது.