நாடாளுமன்ற மாநிலங்களவை உறுப்பினராக இளையராஜா நியமிக்கப்பட்டுள்ளார். இது தமிழகத்திற்கு கிடைத்துள்ள பெரும் சிறப்பாகும் என்று ம lதிமுக பொதுச்செயலாளர் வைகோ வாழ்த்து தெரிவித்தார். இதுகுறித்து அவர் வெளியிட்டுள்ள அறிக்கையில், இந்திய நாடாளுமன்ற மாநிலங்களவை உறுப்பினராக அறிவிக்கப்பட்டுள்ள இசை மேதை இளையராஜா மற்றும் விளையாட்டு வீராங்கனை பி.டி.உஷா ஆகியோருக்கு மதிமுக சார்பில் பாராட்டுக்களையும் வாழ்த்துக்களையும்தெரிவித்துக் கொள்கிறேன். பண்ணைபுரத்தில் பிறந்து பாவலர் வரதராஜன் அவர்களின் அரவணைப்பில் பயிற்று இசைத்துறையில் உலக சாதனை நிகழ்த்தி இமயமாய் உயர்ந்து நிற்பவர் இளையராஜா. இவர் தமிழ், தெலுங்கு, மலையாளம், ஹிந்தி ஆகிய மொழிகளில் பல்லாயிரக்கணக்கான திரைப்படங்களுக்கு, திரைப் பாடல்களுக்கு இசை அமைத்தவர். மேலும் 20,000 க்கும் அதிகமான இசை நிகழ்ச்சிகளை நடத்தியுள்ளார்.
அதனை தொடர்ந்து அண்ணாமலை பல்கலைக்கழகம், காமராசர் பல்கலைக்கழகம் ஆகியவைகளில் முனைவர் பட்டம் பெற்றவர். இந்திய அரசின் தேசிய விருதுகளை 5 முறை பெற்றவர் என்று பல்வேறு சிறப்புகளை அணிகலன்களாககொண்டவர் நம் இளையராஜா. இந்திய அரசின் 2 வது உயரிய விருதான பத்மபூஷன் விருது இளையராஜா தேடி வந்து சிறப்பு செய்தது. இதனை தொடர்ந்து லண்டனில் உள்ள டிரினிட்டி இசைக் கல்லூரியி Classical Guitar Higher தேர்வில் தங்க பதக்கம் பெற்று சாதனையாளரான இளையராஜா அதே லண்டனில் ராயல் ஃபில்ஹார்மோனிக் ஆர்கெஸ்ட்ராவில் சிம்பொனி இசை அமைத்து மாஸ்ட்ரோ எனும் உலக சாதனையாளராக உயர்ந்துள்ளார். இசைத் துறையில் உலக சாதனைக நிகழ்த்திய இளைய ராஜாவுக்கு மதுரை மாநகரில் பாராட்டுக் கூட்டம் நடத்தி, நம் இயக்கத்தின் சார்பில் அவருக்கு சிறப்பு செய்தோம்.
இசைத்துறையில் சாதனை சாதனை படைத்து வரும் இளையராஜா நாடாளுமன்ற மாநிலங்களவை உறுப்பினராக நியமிக்கப்பட்டுள்ளது தமிழகத்திற்கு கிடைத்துள்ள பெரும் சிறப்பாகும். இந்த இனிய வேளையில் இளையராஜா அவர்களுக்கு எனது பாராட்டுகளை தெரிவித்துக் கொள்கிறேன். அதனை தொடர்ந்து தடகள விளையாட்டு போட்டியில் சிறப்பாக விளையாடி 1982ஆம் ஆண்டு முதல் 1990 வரை நடைபெற்ற ஆசிய விளையாட்டுப் போட்டிகளில் தங்கப் பதக்கத்தையும் வெள்ளிப் பதக்கத்தையும் பெற்று இந்தியாவிற்கு பெருமை சேர்த்துக் கொடுத்த விளையாட்டு வீராங்கனை பி.டி.உஷா நாடாளுமன்ற மாநிலங்களவை உறுப்பினராக அறிவிக்கப்பட்டுள்ளது நமக்கு மிகுந்த மகிழ்ச்சி அளிக்கிறது. அவருக்கும் பாராட்டுக்கள், வாழ்த்துக்கள் என்று அதில் தெரிவிக்கப்பட்டுள்ளது.