கடந்த வருடமே கொரோனா பரவல் காரணமாக ஊரடங்கு அமல்படுத்தப்பட்டதால் பள்ளி மற்றும் கல்லூரிகள் மூடப்பட்டன. அதன் காரணமாக மாணவர்களுக்கு ஆன்லைன் மூலமாக வகுப்புகள் நடந்துகொண்டிருந்தது. தேர்வெழுதாமலேயே அனைவரும் ஆல்பாஸ் செய்யப்பட்டனர். இதையடுத்து இந்த வருடமும் புதிய கல்வி ஆண்டு தொடங்கிய நிலையில், கொரோனா தீவிரமடைந்து வருவதால் அதே போன்று ஆன்லைன் வழியாக வகுப்பு நடத்தப்படும் என்று அறிவிக்கப்பட்டுள்ளது.
இந்நிலையில் டிஜிட்டல் தலமான இ-பாடசாலாவின் மூலம் தேசிய கல்வி ஆராய்ச்சி மற்றும் பயிற்சி மையத்தின்(NCERT) இ- புத்தகங்கள் மற்றும் இதர இ-வளங்களை மாணவர்கள், ஆசிரியர்கள், பெற்றோர்கள் அணுகலாம். அதன்படி epathshala.nic.in என்ற இணையதளத்தின் மூலம் டிஜிட்டல் கற்றலை பெறலாம் என்று அறிவிக்கப்பட்டுள்ளது.