பிரபல நாட்டிலிருந்து ஆளில்லா விமானங்களை வாங்குவதற்கு ரஷ்யா முடிவு செய்துள்ளதாக தகவல் வெளியாகியுள்ளது.
ரஷ்யாவுக்கு உக்ரைனுக்கும் இடையே கடந்த சில மாதங்களாக கடுமையான போர் நடைபெற்று வருகிறது. இந்த போரில் ஏராளமான மக்கள் உயிரிழந்துள்ளனர். இந்த போரில் பயன்படுத்து வதற்காக ஆளில்லாத விமானங்களை வாங்குவதற்கு ரஷ்ய நாட்டைச் சேர்ந்த குழுவினர் ஈரானுக்கு சென்றுள்ளதாக அமெரிக்கா கூறியுள்ளது. இந்தக் குழு கஷான் விமான தளத்தில் உள்ள ஆளில்லாத விமானங்களை பார்வையிட்டதற்கான செயற்கைக்கோள் புகைப்படங்கள் இருப்பதாகவும் அமெரிக்கா கூறியுள்ளது. கடந்த ஜூன் மாதம் 8-ஆம் தேதி மற்றும் கடந்த ஜூலை 5-ஆம் தேதி ஆக இரு தினங்களில் ரஷ்ய குழுவினர் ஈரானுக்கு சென்றுள்ளனர்.
இந்நிலையில் ரஷ்யா உடன் சேர்ந்து ஈரான் உக்ரைன் மக்களை கொன்று குவிப்பதற்கான திட்டத்தில் கைகோர்த்துள்ளதாகவும் அமெரிக்கா குற்றம் சுமத்தியுள்ளது. ஆனால் ஈரான் வெளியுறவுத்துறை அமைச்சர் அமெரிக்காவின் குற்றச்சாட்டை மறுத்துள்ளது. அதாவது நாடுகளின் அமைதியை மட்டுமே தாங்கள் விரும்புவதாகவும், ரஷ்யா மற்றும் உக்ரைன் போரை தாங்கள் ஆதரிப்பதில்லை எனவும் கூறியுள்ளார். ஆனால் அமெரிக்கா அதிபர் மாளிகை ஈரானுக்கு ரஷ்ய குழுவினர் சென்ற புகைப்படங்களையும், ஆளில்லா விமானங்களை பார்வையிட்ட புகைப்படங்களையும் வெளியிட்டுள்ளனர்.