நடிகர் சிம்பு ‘ஈஸ்வரன்’ படத்தின் முதல் சிங்கிள் ரிலீஸ் தேதியை தனது ட்விட்டர் பக்கத்தில் அறிவித்துள்ளார்.
தமிழ் திரையுலகில் முன்னணி கதாநாயகனாக வலம் வரும் நடிகர் சிம்பு நடிப்பில் தயாராகியுள்ள திரைப்படம் ‘ஈஸ்வரன்’. இயக்குனர் சுசீந்திரன் இயக்கியுள்ள இந்த படத்தின் படப்பிடிப்புகள் நிறைவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. இந்தப் படத்தை வருகிற பொங்கல் தினத்தில் வெளியிட படக்குழு திட்டமிட்டுள்ளனர் என்பதும் அதற்கான தீவிர பணிகளில் ஈடுபட்டு வருகிறார் என்பதும் குறிப்பிடத்தக்கது.
ஏற்கனவே இந்த படத்தின் ஃபர்ஸ்ட் லுக் போஸ்டர் இணையத்தில் வெளியாகி ரசிகர்களிடையே நல்ல வரவேற்பை பெற்றது. இந்நிலையில் ஈஸ்வரன் படத்தின் சிங்கிள் பாடல் வருகிற டிசம்பர் 14ஆம் தேதி வெளியாக இருப்பதாக நடிகர் சிம்பு தனது டுவிட்டர் பக்கத்தில் அறிவித்துள்ளார். இதனை சிம்பு ரசிகர்கள் சமூக வலைத்தளங்களில் ட்ரண்ட் செய்து வருகின்றனர்.
#Eeswaran
First single from 14.12.2020#SilambarasanTR#Atman #STR pic.twitter.com/4LOUG5Hw93— Silambarasan TR (@SilambarasanTR_) December 11, 2020