உக்ரைன் மீது ரஷ்யா ராணுவ நிலைகள் மட்டுமே இலக்கு என்று கூறி போர் தொடுத்து வந்தது. ஆனால் அடுக்குமாடி குடியிருப்புகள், பள்ளிக்கூடங்கள், மருத்துவமனைகள் அனைத்து விதமான உள்கட்டமைப்புகளையும் நீர்மூலமாக்கி வருகிறது. இதில் ஆயிரம் கணக்கான அப்பாவி மக்கள் கொன்று குவிக்கப்படுகின்றனர். இந்நிலையில் உக்ரைன் தலைநகர் கீவின் தென்மேற்கு பகுதியில் அமைந்துள்ள வின்னிட்சியா நகர் மீது ரஷ்ய படைகள் நேற்று உக்கிரமாக தாக்குதல் நடத்தியது. அங்கு பல அடுக்குமாடி கட்டிடங்களை கொண்ட வர்த்தக மையத்தின் மீது அடுத்தடுத்து 3 ஏவுகணைகள் வீசப்பட்டது.
அப்போது அந்த கட்டிடம் முற்றிலும் உருக்குலைந்தது. அதன் அருகில் இருந்த பல குடியிருப்பு கட்டிடங்களும் சின்னாபின்னமாகியது. அதுமட்டுமில்லாமல் அங்கு நிறுத்தப்பட்டிருந்த 50க்கும் மேற்பட்ட வாகனங்கள் திக்கிரையாகியது. இந்த தாக்குதலில் 21 பேர் பலியாகியுள்ளனர். மேலும் 100க்கும் அதிகமானோர் படுகாயம் அடைந்தனர். 46 பேரை காணவில்லை. இந்த தாக்குதலுக்கு கடும் கடனம் தெரிவித்துள்ள உக்ரைன் அதிபர் ஜெலன்ஸ்கி இது வெளிப்படையான பயங்கரவாத செயல் என்று ரஷியாவை சாடினார்.