தேனியில் ஆம்புலன்ஸ் அடுத்தடுத்து மோதியதில் 2 பேர் பலியான சம்பவம் சோகத்தை ஏற்படுத்தியுள்ளது.
தேனி மாவட்டம் சின்னமனூரில் ராஜா என்பவர் வசித்து வந்தார். இந்நிலையில் இவருக்கு உடல்நிலை குறை ஏற்பட்டதால் இவரை ஆம்புலன்ஸ் மூலம் சிகிச்சைக்காக அரசு மருத்துவமனைக்கு கொண்டு சென்றனர். இந்நிலையில் ராஜாவிற்கு துணையாக அவரது மனைவி செல்வியும் சென்றார். மேலும் அதில் விக்னேஷ் பிரபு என்பவர் உதவியாளராக இருந்தார். இதனையடுத்து வேப்பம்பட்டி அருகே ஆம்புலன்ஸ் விரைவாக சென்று கொண்டிருக்கும்போது, அதன் குறுக்கே முதியவர் ஒருவர் சைக்கிளில் வந்தார்.
இதில் நிலை தடுமாறிய ஆம்புலன்ஸ் ஓட்டுனர் சைக்கிளின் மீது பலமாக மோதி, அங்கு வந்து கொண்டிருந்த டிப்பர் லாரியின் மீதும் மோதியது. இதில் சைக்கிளில் வந்த முதியவரும் ஆம்புலன்சிலிருந்த செல்வியும் சம்பவ இடத்திலேயே உயிரிழந்தனர். மேலும் ஆம்புலன்சில் உதவியாளராக இருந்த விக்னேஷ் பிரபு மற்றும் ராஜா படுகாயம் அடைந்ததால் அக்கம்பக்கத்தினர் மீட்டு அவர்களை சிகிச்சைக்காக அரசு மருத்துவமனைக்கு அனுப்பி வைத்தனர்.