நடிகர் சிவகார்த்திகேயன் உடல் எடையை குறைத்து ஒல்லியாக மாறிய புகைப்படங்கள் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் சிவகார்த்திகேயன் நடிப்பில் அயலான் மற்றும் டாக்டர் ஆகிய படங்கள் ரிலீசுக்கு தயாராகியுள்ளது . இதை தொடர்ந்து இவர் இயக்குனர் சிபி சக்கரவர்த்தி இயக்கத்தில் டான் படத்தில் நடித்து வருகிறார் . இந்த படத்தில் பிரியங்கா மோகன் கதாநாயகியாக நடிக்கிறார். மேலும் சமுத்திரக்கனி, குக் வித் கோமாளி பிரபலம் சிவாங்கி, புகழ் உள்ளிட்ட பலர் முக்கிய கதாபாத்திரத்தில் நடித்து வருகின்றனர். இந்த படத்தில் நடிகர் சிவகார்த்திகேயன் கல்லூரி மாணவராக நடித்து வருவதாக கூறப்படுகிறது.
இந்நிலையில் சமீபத்தில் தனது நண்பர் ஒருவரின் பிறந்தநாள் விழாவில் நடிகர் சிவகார்த்திகேயன் கலந்து கொண்ட போது எடுக்கப்பட்ட புகைப்படம் வெளியாகியுள்ளது. அந்த புகைப்படத்தில் நடிகர் சிவகார்த்திகேயன் ஒல்லியான தோற்றத்தில் இருக்கிறார் . ‘டான்’ படத்திற்காக அவர் தனது உடல் எடையை குறைத்துள்ளதாக கூறப்படுகிறது.