இன்று அமைச்சர் ஆகிறார் உதயநிதி சென்னை, சேப்பாக்கம் எம்எல்ஏவும், திமுக இளைஞரணி செயலாளருமான உதயநிதி ஸ்டாலின் இன்று தமிழக அமைச்சராக பொறுப்பேற்கிறார். காலை 9.30 மணிக்கு ஆளுநர் மாளிகையில் பதவி ஏற்பு நிகழ்ச்சி நடைபெறுகிறது. இந்த நிகழ்ச்சியில் கலந்து கொள்வதற்கு எதிர்கட்சித் தலைவர் EPS உள்ளிட்ட முக்கிய தலைவர்களுக்கு அழைப்பு விடுக்கப்பட்டுள்ளது. இன்று உதயநிதி அமைச்சராக பொறுப்பேற்பதன் மூலம் அமைச்சர்களின் எண்ணிக்கை 35 ஆக உயரும்.
இந்நிலையில் இன்று அமைச்சராக பதவி ஏற்க உள்ள உதயநிதிக்கு என்ன துறை கொடுக்கப் போகிறார்கள் என்ற ரகசியத்தை திமுக செய்தி தொடர்பு இணைச் செயலாளர் ராஜீவ் காந்தியின் ட்விட்டர் பதிவு வெளிப்படுத்தியுள்ளது. அதில், அரசியல் கடந்து உதயநிதியை பாராட்டிய அனைவருக்கும் நன்றி, உறுதியாக தமிழ் நாட்டு விளையாட்டு துறை சிகரம் தொடும் என்று குறிப்பிட்டுள்ளார். இதன் மூலம் உதயநிதிக்கு விளையாட்டுத்துறை கொடுக்கப் போவது உறுதியாகியுள்ளது.