உயர்கல்வியின் தரத்தை உயர்த்துவது குறித்து பல்கலைக்கழக துணைவேந்தர்களுடன் முதலமைச்சர் மு.க ஸ்டாலின் ஆகஸ்ட் 30 ஆம் தேதி ஆலோசனை என தகவல் வெளியாகி உள்ளது.
உயர்கல்வியின் தரத்தை உயர்த்துவது குறித்து அனைத்து பல்கலைக்கழக துணைவேந்தர்களுடன் முதலமைச்சர் மு க ஸ்டாலின் வரும் ஆகஸ்ட் 30 ஆம் தேதி ஆலோசனை நடத்துவார் என தகவல் வெளியாகியுள்ளது. உயர்கல்வி மேம்பாடு, தேர்ச்சி விகிதம், ஆராய்ச்சிகளை முன்னெடுப்பது, மாநிலக் கல்விக் கொள்கையை உருவாக்குவது குறித்து கூட்டத்தில் ஆலோசிக்கப்பட வாய்ப்புள்ளதாக தகவல் வெளியாகி உள்ளது.
முன்னதாக கடந்த 17ஆம் தேதி நடைபெறுவதாக இருந்த இந்த கூட்டம் முதலமைச்சரின் டெல்லி பயணம் காரணமாக ஒத்திவைக்கப்பட்டிருந்தது.. இந்த நிலையில் ஒத்திவைக்கப்பட்ட இந்த ஆலோசனை கூட்டம் வரும் ஆகஸ்ட் 30-ம் தேதி நடைபெறும் என்று தகவல் வெளியாகி உள்ளது.