வனத்துறையினரிடம் உயிருடன் ஒப்படைக்கப்பட்ட மான் அச்சத்தின் காரணமாக உயிரிழந்த சம்பவம் பரிதாபத்தை ஏற்படுத்தியுள்ளது.
பெரம்பலூர் மாவட்டத்தில் உள்ள அத்தியூர் கிராமத்திற்குள் 4 வயதுடைய புள்ளிமான் சுற்றி திரிந்தது. இந்நிலையில் பொதுமக்கள் மானை பிடித்து கட்டிவைத்து உடனடியாக வனத்துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற வனத்துறையினர் அந்த மானை மீட்டனர்.
இதனை அடுத்து அந்த மானை வாகனத்தில் ஏற்றி கொண்டு சென்றுள்ளனர். அப்போது அச்சத்தின் காரணமாக மான் வழியிலேயே பரிதாபமாக உயிரிழந்துவிட்டது. இதனை அடுத்து கால்நடை மருத்துவர் பிரேத பரிசோதனை செய்தபின் மானின் உடலானது காட்டில் புதைக்கப்பட்டது.