தென்ஆப்பிரிக்காவில் உருமாறிய புதிய வகை கொரோனா வைரஸ் கண்டறியப்பட்டுள்ளது. இந்த வைரஸ் வேகமாக பரவும் தன்மை கொண்டுள்ளதால் அனைத்து நாடுகளும் முன்னெச்சரிக்கை நடவடிக்கைகளை தீவிரப்படுத்தி வருகிறது. அந்த வகையில் பல நாடுகளும் தென்ஆப்பிரிக்காவுடனான விமான சேவைகளுக்கு கட்டுப்பாடுகளை விதித்துள்ளது.
இந்த நிலையில் புதிய உருமாற்றம் அடைந்த கொரோனா வைரஸ் மற்றும் தடுப்பூசி குறித்து மூத்த அதிகாரிகளுடன் பிரதமர் மோடி ஆலோசனை நடத்தினார். அதில் “ஓமிக்ரான்” என்ற புதிய உருமாறிய கொரோனா வைரஸ் குறித்து பிரதமருக்கு அதிகாரிகள் விளக்கம் அளித்தனர் .அதன் குணாதிசயங்கள் மற்றும் தாக்கம் குறித்து கூட்டத்தில் விவாதிக்கப்பட்டது.