உலகம் முழுவதும் பாதித்த…. கொரோனா வைரஸின் மொத்த எடை…. எவ்வளவு தெரியுமா…?

உலகம் முழுவதும் அச்சுறுத்தலை ஏற்படுத்திவரும் கொரோனா வைரஸின் அளவு வெறும் ஒரு தேக்கரண்டி என்று நிபுணர் ஒருவர் அதிர்ச்சி தகவலை வெளியிட்டுள்ளார்.

கொரோனா வைரஸ் என்ற பெருந்தொற்று நோயால் உலகம் முழுவதும் 54 மில்லியன் மக்கள் பாதிப்புக்கு உள்ளாகி உள்ளனர். மேலும் சிகிச்சை பலனின்றி 1,324,689 மக்கள் இறந்துள்ளனர். இந்நிலையில் உலகமெங்கும் பரவி வரும் இந்த கொரோனா வைரஸின் எண்ணிக்கையை ஒரு தேக்கரண்டியில் அள்ளி விடலாம் என்று கணித மேதையான matt parker தெரிவித்துள்ளார். ஒரு தேக்கரண்டியில் 6 மில்லி லிட்டர் தண்ணீரை தான் அல்ல முடியும். ஆனால் தற்போது உலகம் முழுவதும் பரவியிருக்கும் இந்த கொரானா வைரஸ் அளவு ஒரு தேக்கரண்டியைவிட கொஞ்சம் அதிகமாக அதாவது சுமார் 8 மில்லி லிட்டர் தான் இருக்கும் என்று அவர் கணித்து கூறியுள்ளார்.

இந்த ஒரு தேக்கரண்டி அளவு உள்ள வைரஸ் உலகமெங்கும் உள்ள இத்தனை குழப்பங்கள், நெருக்கடிகள், பொருளாதார வீழ்ச்சி, உயிர் இழப்புகள் என நீண்டு கொண்டிருக்கும் இந்த பட்டியலுக்கு காரணம் என்று கூறியுள்ளார். சொல்லப்போனால் உண்மையில் இந்த கொரோனா வைரஸ் மனித உயிரணுவை விட ஒரு மில்லியன் மடங்கு சிறியது தான் என்று கூறிய அவர் மனித சமூகத்தில் பரவிய இந்த வைரஸின் எண்ணிக்கை 3.3 மில்லியன் பில்லியன் என்று கணக்கிட்டுள்ளார்.