பிரிட்டன் தடுப்பூசி விநியோக அமைச்சர் கொரோனா வைரஸ் குறித்து முக்கிய தகவல் ஒன்றை வெளியிட்டுள்ளார்.
உலகம் முழுவதும் கொரோனா பரவலால் தற்போது வரை சுமார் 104 மில்லியன் பேர் பாதிப்படைந்துள்ளனர். இதில் 2.2 7 மில்லியன் மக்கள் உயிரிழந்துள்ளனர். மேலும் கொரோனா வைரஸின் மற்றொரு வகையே கோவிட்-19 ஆகும். அதாவது, கோவிட்-19 பாதிப்பை ஏற்படுத்தக்கூடிய ஏராளமான கொரோனா வைரஸின் வகைகள் இருக்கின்றன.
அவற்றில் சில வகைகள் உருமாற்றம் அடைந்து காணப்பட்டுள்ளது. இவற்றில் பிரிட்டன், தென்னாப்பிரிக்கா மற்றும் பிரேசில் போன்ற நாடுகளில் பரவும் வகைகள் அடையாளம் காணப்பட்டுள்ளது. தற்போது ஏறக்குறைய சுமார் 4000 வகையான வைரஸ்கள் உலகம் முழுவதிலும் பரவி வருதாக பிரிட்டன் தடுப்பூசி வினியோக அமைச்சரான நதிம் ஜவாஹி கூறியுள்ளார்.
மேலும் இதனால்தான் பைசர், மாடர்னா மற்றும் அஸ்ட்ராஜெனகா போன்ற பல மருந்து நிறுவனங்கள் உலகின் பல நாடுகளில் உள்ள கொரனோ வைரஸின் அனைத்து வகையையும் கட்டுப்படுத்தக் கூடியதாக தயாரிப்பதற்கான முயற்சியில் ஈடுபட்டுள்ளதாகவும் அவர் கூறியுள்ளார்.